(هذا أبووي )

موضوع: (هذا أبووي ) الخميس سبتمبر 01, 2011 5:48 am

هــذا أبـــوي
محـــاضره لفضيلـــة الشيـــخ/ أبـــراهيم الـــزيات

بسم الله الرحمن الرحيم
هذا الموقف يأخوان حدثنا من رآه يقول جائني اتصال على الجوال من المركز اللي انا اشتغل به قال يافلان عندي لك موقف وابيك الله يجزاك خير تقوم عليه
هنا يا اخوان تذكرت قول الله عزوجل في محكم الكتاب (وَوَصَّيْنَا الإِنسَانَ بِوَالِدَيْهِ حَمَلَتْهُ أُمُّهُ وَهْنًا عَلَى وَهْنٍ وَفِصَالُهُ فِي عَامَيْنِ أَنِ اشْكُرْ لِي وَلِوَالِدَيْكَ إِلَيَّ الْمَصِيرُ)
في هاللحظه يا اخوان يطلع اخونا بسيارته يضرب الباب يطلع له خادم قال وش عندك يافلان؟
قلت بلغوني ان عندكم حاله صحيح؟؟
نظر السائق في وجه اخونا ثم قال أي نعم تعال يا بابا أخذ بيده
ياشباب عيشوا معي المأساه وأسأل الله مايكون منكم مثل هذي القلوب القاسيه ولامن يسمعني ولا من يراني ولا من يبلغه صوتي.. يقول لما دخلت أخذ بي هذا السائق الى وين؟؟ الى مكان بعيد داخل البيت وكانت فله كبيره يقول مريت على اول حديقه فيها شجر وفيها خيمه وبيت شعر يقول ناظرت ثم قلت هنا؟ قال لا تعال
يقول الرجل والله ياشيخ ابراهيم رحت حتى جيت خلف البيت
واذا بوحده تطل من وراء النافذه تقول تكفى الله يخليك شيل عنا هالخياس الله يجزاك خير اعزكم الله
قلت من هذا ؟قالت شيله بعدين اقولك
أخونا تألم جاب النقاله وصل ياشباب
أسمعوني ياشباب اسمعوني يافتيات اسمعوني يا آباء اسمعوني يادعاة وأسمعوني يامشائخ
أسمعوا وعوا..
في هاللحظه يقول اخونا اذا بي اصل الى آخر البيت عند كومه من الاخشاب أمتعه قديمه ثياب ممزقه
يقول وشي من الخبز الناشف وماء به من الاوساخ ما الله به عليم يقول والله ياشيخ أناضر فليقع بصري على رجل كبير عمره مايقل عن 60 أو 70 سنه مضطجع على جنبه الايمن يا أخوان يقسم بالله أن النمل الاسود يتغذى على دمه يا أخوان يقول والله ياشيخ بشوف عيني حتى النمل الاسود يتغذى على جلده ويشرب دماءه
يقول في هاللحظه ماتمالكت نفسي صبت الدموع تألمت قلت يافلانه من هذ؟؟ا قالت هذا ابوي
هزتني الكلمه أثرت في قلبي كأنها رمح يطعن في صدري قلت ياظالمه أبوك هذا..قالت ابوي هذي تاليته في البيت ..يقول لها يوم نظرت ثم قلت حسبي الله ونعم الوكيل يقول والله ياشيخ أرفعه من الارض أول مارفعته الآكله يا أخوان كلت جلده ثم يسقط لحمه قدامي وتطيح رجله اليمنى وتنفصل عن جسده قدامي وانا اشوف
لا اله الا الله كم اليوم من مصائب تنزل ومثل هذه المعصيه..
يقول اخونا حضنته وألاحظ دموعه تنزل من عيونه رجل كبير.. ماكنت أتوقع ان فيه قسوه لهذا الحد
يقول شلته وانا احضنه وابكي واقول يا ابوي أبشر بالخير أبشر بالجنه ولايتكلم كلمه...
يا أخوان يقول والله مات الرجل ماصلوا عليه والله ولاغسلوه
حرقه في القلب تدمي قلبي يوم أتذكر الآبا والامهات..
واحد يضرب ابوه والثاني يسرق امه والثالث يعتدي على أخواته والرابع يسرق امه لأجل المخدرات ياشباب..
تصور.يقول أنتظر أتصال واحد فيهم ..
يقول أرفع السماعه على الولد الكبير أقول له أبوك مات قال خير أن شاء الله
يقول سكرت السماعه يقول تصور ياشيخ
8أيام ننتهي من أوراق الرجل والله حملناه غريب ودفناه غريب..
مثل المواقف هذي ياشباب تأسر الرجال يدفن الرجل بدون ابناء
والام ....أحد الأمهات جئتها وهي على فراش الموت وقفت قدامها وقرأت عليها مايسر الله ثم قلت يمه وش تبين؟؟
قالت أبي بنتي ساره ..
والله لي على هذا السرير 8أشهر مر علي عيدين ماشفت عيالي..6أشهر وانا لحالي في البيت غريبه مسكينه محد يسأل عني كنت أمرض والله آتي لعامل البقاله الهندي واقول يافلان أعطني ماء يعطيني ماء .. ويوم أتصل علي ولدي وقلت ابي ماء قال ما عندي فلوس ياولدي تراي مريضة قال اتصلي على الليموزين يوديك .
وبنتي اقول ياسارة انا مريضة قالت عساك تموتين اليوم قبل بكرة .. كم والله نتأثر في هذي المواقف؟!
شاب من الشباب حصلته ضحية عند البحر قلت له ياخوي ليش تمشي في طريق الباطل قال ياشيخ انا يتيم تربيت يتيم وعشت يتيم ضيعني أبوي بسبب المخدرات , ضيعتني أمي بسبب الفحش والحرام ضيعني خوالى وأنا الحين والله ما أنام الا في البحر يأتي أي احد يتصدق على بريال وبريالين .
ياشباب ياشباب الامة يا أبناء الجزيرة يا أبناء الحرمين الله عز وجل يناديكم فمن يلبي النداء ويقول أنا تائب من كل شي لله ؟؟
من يقول انا تائب ومقبل على الله؟؟
وانا من هنا ادعي له بالثبات .
اللهم من تاب من الشباب والشيب وانا أولهم في هذه اللحضة ياربي نزل رحماتك على قلبه ياربي نزل خيراتك عليه ثبته على الدين وأجعلني وأياه من السابقين الى الجنة بغير حساب ولا عقاب .
ياللي تدخن سألتك بالله تتوب لله يامن عصيت والديك استغفر الله يامن عصيت ربك قول يارب انا تائب ياللي ما تصلي ترى بيوت الله مفتوحه ورحمة الله عز وجل قريبه من المحسنين ياللي تركت الجماعه وفكرت وخربت وفجرت ودمرت اقول لك ترى ربك غفور رحيم توب واستغفر لأن صدقت صدق الله معك وصدق الله -انما يتقبل الله من المتقين- اللهم أغفر لي ولأخواني جميعا يارب تجاوز عنا يارب اصلح شبابنا اللهم حصن فروج شبابنا وفتياتنا يارب العالمين يارب اجعل شبابنا قدوات يقتدى بهم يارب ارحمنا واياهم
والله أعلم .
وصلى الله على حبيبنا محمد وآله وصحبه جميعآ
وأشهد الله انني احبكم في الله جميعا وأسأل الله أن يجمعنا بالفردوس جميعاً ,,,
والسلام عليكم ورحمة الله وبركاته...

رابط المقطع

[ندعوك للتسجيل في المنتدى أو التعريف بنفسك لمعاينة هذا الرابط]
منقوووووول